 |
| ബുര്ജ് ഖലീഫ |
ദുബായ്: ഉയരംകൊണ്ട് ലോകത്തിന്റെ വിസ്മയമായ ദുബായിലെ ബുര്ജ് ഖലീഫ സമുച്ചയത്തില് ഏറ്റവും കൂടുതല് സ്ഥലം സ്വന്തമാക്കിയത് ഇന്ത്യക്കാര്. 79 ലക്ഷം ഡോളര് (ഏതാണ്ട് 35 കോടി രൂപ) മൂല്യമുള്ള സ്ഥലമാണ് കെട്ടിടത്തില് ഇന്ത്യക്കാര് വാങ്ങിയത്. ഉദ്ഘാടനം കഴിഞ്ഞ് ഏഴുമാസത്തിനകമാണ് ഇന്ത്യക്കാര് അപ്പാര്ട്ട്മെന്റുകള് വാങ്ങിയത്. സമുച്ചയത്തില് ഇടം സ്വന്തമാക്കിയതില് രണ്ടാംസ്ഥാനം യു.എ.ഇ. പൗരന്മാര്ക്കുതന്നെ-26.2 ലക്ഷം ഡോളറിനുള്ള സ്ഥലം. ബോളിവുഡ് താരം ശില്പ ഷെട്ടിയുടെ ഭര്ത്താവും ലണ്ടനിലെ വ്യവസായിയുമായ രാജ് കുന്ദ്രയും ബുര്ജ് ഖലീഫയില് ഫ്ളാറ്റ് വാങ്ങിയവരില് ഉള്പ്പെടുന്നു. ഭാര്യയ്ക്ക് സ്നേഹസമ്മാനമായി സമര്പ്പിക്കാനാണ് നൂറാംനിലയിലെ ഫ്ളാറ്റ് രാജ്കുന്ദ്ര സ്വന്തമാക്കിയത്. ദുബായിലെ ന്യൂ മെഡിക്കല് സെന്റര് ഗ്രൂപ്പ് ഓഫ് കമ്പനീസ് മാനേജിങ് ഡയറക്ടറും ഇന്ത്യക്കാരനുമായ ബി.ആര്. ഷെട്ടിയും നൂറാം നിലയില് ഫ്ളാറ്റ് വാങ്ങിയിട്ടുണ്ട്. ഇരുനൂറിലേറെ നിലകളുള്ള കെട്ടിടത്തില് 900 അപ്പാര്ട്ട്മെന്റുകളാണുള്ളത്.
0 Comments:
Post a Comment