മുംബൈ : റിലയന്സ് ഇന്ഡസ്ട്രീസ് മേധാവി മുകേഷ് അംബാനിയുടെ ഒരു മാസത്തെ വൈത്യുതി ബില് 70 ലക്ഷം. മുംബയില് പണിത ആന്റിലിയ എന്ന വീട്ടിലെ ആദ്യത്തെ വൈത്യുതി ബില്ലാണിത്. നേരത്തെ വലിപ്പത്തിന്റെയും സൗകര്യത്തിന്റെയും കാര്യത്തില് വാര്ത്തകളില് ഇടം നേടിയ മുകേഷിന്റെ വീട് വൈത്യുതി ബില്ലിന്റെ കാര്യത്തില് വാര്ത്തകളില് നിറയുകയാണ്. കൃത്യമായി പറഞ്ഞാല് 70,69,488 രൂപയാണ് വൈത്യുതി ബില്.ഗാര്ഹിക ഇനത്തില് ഏറ്റവും ഉയര്ന്ന ബില്ലാണ് ഇതെന്ന് വൈത്യുതി വകുപ്പ് ഉദ്യോഗസ്ഥര് ചൂണ്ടിക്കാട്ടി.
6,37,240 യുണിറ്റ് വൈത്യുതിയാണ് സെപ്തംബര് മാസം മുകേഷ് അംബാനിയും കുടുംബവും ചേര്ന്ന് ഉപയോഗിച്ചത്. ഏതാണ്ട് 7000 ഭവനങ്ങളില് ഉപയോഗിക്കുന്നത്രയും വൈത്യുതിയാണ് മുകേഷ് അംബാനിയും കുടുംബവും ഒരു വീട്ടില് ഉപയോഗിച്ചത്. കൃത്യമായി ബില് അടക്കുന്നു എന്ന വകയില് 48,354 രൂപ ഇളവും മുകേഷിന് അനുവദിച്ചിട്ടുണ്ട്. ഒക്ടോബര് 28 നാണ് മുകേഷ് അംബാനിയും ഭാര്യ നിതയും മൂന്നു മക്കളുമടങ്ങുന്ന കുടുംബം 27 നിലകളുള്ള ആന്റിലിയയില് താമസം തുടങ്ങിയത്.
0 Comments:
Post a Comment