പേരു സൂചിപ്പിക്കുന്നതുപോലെ തബലയില് സംഗീതത്തിനാണ് പ്രാധാന്യം. പെര്ഫോര്മന്സില് നോക്കിയയുടെ എക്സ്പ്രസ് മ്യൂസിക് ഫോണുകളോടു കിടപിടിക്കും തബലയെന്നാണ് കമ്പനിയുടെ അവകാശവാദം. തബലയില് ത്രീഡി സറൗണ്ട് ശബ്ദസുഖം കമ്പനി ഉറപ്പുതരുന്നു. എം.പി. ത്രി പ്ലെയറിലേക്ക് എളുപ്പത്തില് പ്രവേശിക്കാനായി ഡെഡിക്കേറ്റഡ് മ്യൂസിക് ബട്ടനുമുണ്ട്.
സംഗീതത്തിന്റെ കാര്യത്തില് മാത്രമല്ല മറ്റു സൗകര്യങ്ങളിലും തബല ഉസ്താദ് തന്നെ. 2.4 ഇഞ്ച് ടി.എഫ്.ടി. ഡിസ്പ്ലേ, മോഷന് സെന്സര്, 1.3 മെഗാപിക്സല് ക്യാമറ, എഫ്.എം., ബ്ലൂടൂത്ത്, ജി.പി.ആര്.എസ്. വാപ്, എക്സ്പാന്ഡബ്ള് മെമ്മറി തുടങ്ങിയ സങ്കേതങ്ങളൊക്കെ ഈ ഫോണിലുണ്ട്. സോഷ്യല് നെറ്റ്വര്ക്ക് ആരാധകര്ക്കായി ഈസി ആക്സസ്, ചാറ്റ് സൗകര്യം, വെബ് ബ്രൗസര് എന്നിവയും തബലയില് ഉള്ക്കൊള്ളിച്ചിരിക്കുന്നു. നാനൂറു മണിക്കൂര് സ്റ്റാന്ഡ്ബൈയാണ് തബലയ്ക്ക് മെര്ക്കുറി അവകാശപ്പെടുന്ന ബാറ്ററി ആയുസ്. വില 2800 രൂപ. സില്വര് നിറമാണ് തബലയ്ക്ക്.
തബലയേക്കാള് നൂറു രുപ വിലക്കൂടുതലുണ്ട് മേസ്ട്രോയ്ക്ക്-2900 രൂപ. മികച്ച ശബ്ദത്തിനായി യമഹാ ആംപ്ലിഫയറുമായി അവതരിക്കുന്ന മേസ്ട്രോ ഡ്യൂവല്സിം മോഡലാണ്. 2.2 ഇഞ്ച് ഹൈപവര് എല്.ഇ.ഡി. സ്ക്രീന് ഡിസ്പ്ലേ, 1.3 മെഗാപിക്സല് ക്യാമറ, സ്റ്റീരിയോ എഫ്.എം., ബ്ലൂടൂത്ത്, എം.പി. ത്രി പ്ലെയര്, ഇബുക്ക് റീഡര് എന്നിവയും മേസ്ട്രോയ്ക്ക് സ്വന്തം. കറുപ്പു നിറത്തിലാണ് ഈ ഫോണിന്റെ വരവ്.
'മൊബൈല് ഫോണുകളിലെ ഏറ്റവും പുതിയ സാങ്കേതിക സൗകര്യങ്ങള് എല്ലാവര്ക്കും പ്രാപ്യമാക്കാനുള്ള ശ്രമത്തിലാണ് മെര്ക്കുറി. ഞങ്ങളുടെ ഓരോ പുതിയ മോഡലുകള് ഇറങ്ങുമ്പോഴും അക്കാര്യം ഉറപ്പാക്കുന്നുണ്ട്' - കോബിയന് പ്രൈവറ്റ് ലിമിറ്റഡ് കണ്ട്രി മാനേജര് സുസ്മി ദാസ് പറയുന്നു.
മൂവായിരത്തില് താഴെ വിലയുള്ള ഫോണുകള്ക്കാണ് ആവശ്യക്കാരേറെ എന്നതിനാല് ഈ രണ്ടു മോഡലുകള്ക്കും വിപണിയില് സ്വീകാര്യത ലഭിക്കുമെന്ന് കമ്പനി പ്രതീക്ഷിക്കുന്നു. എന്നാല് തിരഞ്ഞെടുക്കാന് ഈ സെഗ്മെന്റില് ഇപ്പോള് തന്നെ നൂറിലേറെ മോഡലുകലുണ്ട്. നോക്കിയ പോലൂം 2700 രുപയ്ക്ക് ഡ്യുവല്സിം മോഡല് ഇറക്കാന് നിര്ബന്്ധിതരായതും മൂവായിരത്തില് കുറവ് എന്ന ആകര്ഷണീയത സ്വന്തമാക്കാനാണ്. അതുകൊണ്ടു തന്നെ കടുത്ത മത്സരത്തില് വിജയിച്ചാലേ തബലയ്ക്കും മേസ്ട്രോയ്ക്കും പിടിച്ചുനില്ക്കാനാകൂ.
0 Comments:
Post a Comment